உணவும், உறக்கமும், நிம்மதியும், செல்வமும் நல்கி இறுதியில் சிவபதம் அருளும் பதிகம்!

எத்தனை தான் விழுந்து விழுந்து, ஓடியாடி சம்பாதித்தாலும், மாட மாளிகை கூட கோபுரங்கள் கட்டி வசித்தாலும், செல்வத்தில் புரண்டாலும், நல்ல விரும்பிய உணவை சாப்பிடும் நிலையில் ஒருவர் இருக்கவேண்டும்; படுத்தவுடன் உறக்கம் வரவேண்டும். இது தான் வாழ்க்கை. ஆனால் இன்று எத்தனை பேருக்கு இது கிடைக்கிறது? இன்றைய நோய்களின் பெருக்கத்திற்குக் காரணம் மேற்கூறிய இரண்டும் இல்லாதது தான். நல்ல உணவு, உறக்கம்.

இப்போதெல்லாம் தலைவலி என்று மருத்துவமனைக்கு சென்றாலே குறைந்தது ஆயிரம் ரூபாய்க்கு செலவு ஏற்படுகிறது. அல்லும் பகலும் பாடுபட்டு சம்பாதிப்பது, மருத்துவச் செலவுக்கே சென்றுவிடுகிறது. மேலும் படவேண்டிய கஷ்டங்கள் அனைத்தும் பட்டபிறகு மறுபிறப்பு வேறு… அதுவும் எத்தனை என்று தெரியாது. இவை அனைத்தையும் நீக்கி பிறவா நிலைக்கு நம்மை இட்டுச்சென்று உய்யும் வழிக்கு வகை செய்வது இறைவழிபாடே. ஆனால் எத்தனை பேருக்கு இது  சாத்தியப்படுகிறது. மேற்கூறியவற்றை நீக்கிகொண்டு அவன் தாளை பணிந்து சுகவாழ்வு வாழ அனைவருக்கும் மனம் உண்டு. இருப்பினும் மார்க்கம் தான் இல்லை.

அத்தகையோருக்கு அருமருந்தாய் விளங்குவது தான் இந்த பதிகம்.

இந்த பதிகத்தை படித்தால், நாள் தோறும் உணவும் உறக்கமும் சீராக கிடைக்கப்பெறும். வீண் செலவுகள் ஏற்படாது. இறை வழிபாட்டில் மனம் ஈடுபடும். பிறவா நிலை எய்தி சிவபதத்தை அடைவர்.

உங்களுக்கு தெரிந்தவர் உற்றார் உறவினர் எவரேனும் இயற்கை எய்தினால், அவர்கள் பொருட்டு இப்பதிகத்தை பக்தியுடன் பாராயணம் செய்துவந்தால் அவர்களுக்கு சிவபதம் கிடைப்பதுடன் உங்களுக்கும் குறைகள் நீங்கி இன்பம் பெருகும். அறமும் இன்பமும் உங்கள் இல்லத்தில் தழைக்கும். நோயற்ற வாழ்வுடன் குறைவற்ற செல்வத்தை பெறுவீர்கள்.

திருநல்லூர் திருத்தலத்தில் நம்பியாண்டார் நம்பிகளின் திருமகளைத் திருமணம் செய்து கொண்டபின், மனைவியின் கையைப் பிடித்துக் கொண்டு அங்குள்ள அனைவரையும் அழைத்துக்கொண்டு ‘நல்லூர் பெருமணம்’ என்ற பதிகத்தைப் பாடிக் கொண்டே கோயிலுக்குள் நுழைந்தவுடன், ஈசன் அருளால் கர்ப்பகிரகத்தில் ஒரு ஜோதி தோன்றியது . அப்பொழுது இந்த ‘காதலாகிக் கசிந்து’ என்ற நமச்சிவாயப் பதிகத்தைப் பாடிக்கொண்டே எல்லோரையும் அந்த ஜோதியில் இரண்டறக் கலக்கச் செய்தார் அப்போது ஆளுடையப்பிள்ளையாம் அம்மையின் ஞானப்பாலுண்ட திருஞான சம்பந்தர் பாடிய நமசிவாயப்பதிகம் .

நமச்சிவாயத் திருப்பதிகம்

காதல் ஆகிக் கசிந்து கண்ணிர் மல்கி
ஓதுவார்தமை நன்னெறிக்கு உய்ப்பது
வேதம் நான்கினும் மெய்ப்பொருளாவது
நாதன் நாமம் நமச்சிவாயவே. (1)

நம்புவார் அவர் நாவில் நவிற்றினால்
வம்பு நாண் மலர்வார் மது ஒப்பது
செம்பொனார் திலகம் உலகுக்கு எலாம்
நம்பன் நாமம் நமச்சிவாயவே. (2)

நெக்குள் ஆர்வம் மிகப் பெருகி நினைந்து
அக்கு மாலைகொடு அங்கையில் எண்ணுவார்
தக்க வானவராத் தருவிப்பது
நக்கன் நாமம் நமச்சிவாயவே. (3)

இயமன் தூதரும் அஞ்சுவர் இன்சொலால்
நயம் வந்து ஓத வல்லார்தமை நண்ணினால்
நியமந்தான் நினைவார்க்கு இனியான் நெற்றி
நயனன் நாமம் நமச்சிவாயவே. (4)

கொல்வார் ஏனும் குணம் பல நன்மைகள்
இல்லார் ஏனும் இயம்புவர் அயிடின்
எல்லாத் தீங்கையும் நீங்குவர் என்பரால்
நல்லார் நாமம் நமச்சிவாயவே. (5)

மந்தரம் அன்ன பாவங்கள் மேவிய
பந்தனை யவர் தாமும் பகர்வரேல்
சிந்தும் வல்வினை செல்வமும் மல்குமால்
நந்தி நாமம் நமச்சிவாயவே. (6)

நரகம் ஏழ்புக நாடினர் ஆயினும்
உரைசெய்வாயினர் ஆயின் உருத்திரர்
விரவியே புகுவித்திடும் என்பரால்
வரதன் நாமம் நமச்சிவாயவே. (7)

இலங்கை மன்னன் எடுத்த அடுக்கல்மேல்
தலங்கொள் கால் விரல் சங்கரன் ஊன்றலும்
மலங்கி வாய்மொழி செய்தவன் உய்வகை
நலங்கொள் நாமம் நமச்சிவாயவே. (8)

போதன் போதன கண்ணனும் அண்ணல்தன்
பாதம் தான்முடி தேடியப் பண்பராய்
யாரும் காண்பதரிதாகி அலந்தவர்
ஓதும் நாமம் நமச்சிவாயவே. (9)

கஞ்சி மண்டையர் கையில் உண் கையர்கள்
வெஞ்சொல் மிண்டர் விரவிலர் என்பரால்
விஞ்சை அண்டர்கன் வேண்ட அமுதுசெய்
நஞ்சுண் கண்டன் நமச்சிவாயவே. (10)

நந்தி நாமம் நமச்சிவா யவெனுஞ்
சந்தை யாற்றமிழ் ஞானசம் பந்தன்சொல்
சிந்தை யால்மகிழ்ந் தேத்தவல் லாரெலாம்
பந்த பாசம் அறுக்கவல் லார்களே. (11)

Also check :