ஞானசூரியனும் தியாக சூரியனும் சந்தித்தபோது….! காமராஜர் B’DAY SPL 1

நமக்கு நீண்டகாலமாகவே இது பற்றி தெரிந்துகொள்ளவேண்டும் என்கிற ஆர்வம் இருந்து வந்தது. பெருந்தலைவர் கர்மவீரர் காமராஜர் மகா பெரியவாவை எப்பொழுதாவது சந்தித்திருக்கிறாரா? அவரைப் பற்றி இவரது அபிப்ராயம் என்ன? என்பது தான் அது. குருக்கிருபையால் சமீபத்தில் அதற்கான பதில் கிடைத்தது. அழுத்தந்திருத்தமாகவே. கல்வெட்டில் பொறித்ததை போல…!!

இன்று ஜூலை 15 பெருந்தலைவர்  காமராஜர் அவர்களின் பிறந்த நாள். அதையொட்டி இந்த சிறப்பு பதிவு அளிக்கப்படுகிறது.

“எப்போவோ வந்திருக்கணும். இப்போ தான் சந்தர்ப்பம் கிடைச்சது”

சுமார் முப்பத்தைந்து ஆண்டுகளுக்கு முன் காஞ்சி மகா சுவாமிகள் கலவையில் தங்கியிருந்தார்கள்.

வேலூரில் ஒரு நிகழ்ச்சிக்காக வந்திருந்த காமராஜர், ஆச்சாரிய சுவாமிகளிடம் பெரும் பக்தி உடையவரும் காங்கிரஸ்காரருமான அரக்கோணம் ராஜகோபால் அவர்களிடம், “நாளைக்கு பெரியவாளை தரிசிக்கணும். அதுக்கு என்ன ஏற்பாடு செய்யணுமோ செய்யுங்க” என்றார். (அரக்கோணத்தில் நீண்ட காலமாக வசிப்பவர்களுக்கு நிச்சயம் திரு.ராஜகோபால் அவர்களை தெரிந்திருக்கும். அந்தளவு அரக்கோணத்தில் அவர் பிரபலம்!)

ஸ்ரீ ஸ்வாமிகளிடம் தகவல் நேரில் தெரிவிக்கப்படவில்லையென்றாலும் முகாம் மானேஜர் போன்றோரிடம் தெரிவிக்கப்பட்டது. (இப்போதுள்ளது போல, அப்போது தகவல் தொடர்பு சாதனங்கள் கிடையாது. டெலிபோனே ஊருக்கு ஒரு வீட்டில் இருந்தால் பெரிய விஷயம்.)

மறுநாள் மாலை ஆறரை மணி. நல்ல இருட்டு.

கலவை மடத்தின் சுற்றுச் சுவரை கடந்து சென்று, காரை விட்டு இறங்கினார் காமராஜர். இறங்கியதுமே கைகளை உயர்த்திக் கும்பிட்டபடியே, சுவாமிகளை நோக்கிச் சென்றார். கொண்டு வந்திருந்த பழங்களையும் மலர்களையும் பணிவன்புடன் ஆச்சார்யாளிடம் சமர்பித்தார்.

மங்கிய ஒளியில் ஞானசூரியனின் தரிசனம்.

காமராஜர் வணங்கியபடியே நின்றார்.

“எப்போவோ வந்திருக்கணும். இப்போ தான் சந்தர்ப்பம் கிடைச்சது.”

பின் மங்கிய குரலில் சில நேரம் சம்பாஷணை. இறுதியில் பிரசாதமாக பழங்கள் கொடுத்து ஆசீர்வதித்தார் பெரியவர்.

தரிசனம் முடிந்து வேலூருக்கு பயணம்.

உடன் அமர்ந்திருந்த ராஜகோபாலிடம், “இப்படி ஒரு துறவியை நான் கற்பனை செய்துகூட பார்த்ததில்லை. கண்களில் என்ன வசீகரம்…! என்ன பிரகாசம்…! மெலிந்த உருவத்தில் என்ன தெய்வீகம்…!” பரவசமாக பேசிக்கொண்டே வந்தார் தலைவர்.

“இப்படி ஒரு துறவியை நான் கற்பனை செய்துகூட பார்த்ததில்லை. கண்களில் என்ன வசீகரம்…! என்ன பிரகாசம்…! மெலிந்த உருவத்தில் என்ன தெய்வீகம்…!” பரவசமாக பேசிக்கொண்டே வந்தார் தலைவர்.

பேசவில்லை என்றால் தானே ஆச்சரியம்.

இது எப்படியோ வேறு சில காங்கிரஸ் முக்கியஸ்தர்களுக்கு தெரிந்துவிட்டது.

தலைவருடன் நெருங்கிப் பழகக்கூடியவரும், அவரது அபிமானத்துக்குரிய இளம் காங்கிரஸ்காரர் ஒருவர், ‘இன்னைக்கு சாயங்காலம் இங்கே பக்கத்திலுள இன்னொரு சாமியாரை பார்க்க வரணும்!’ என்றார்.

ஆச்சாரிய சுவாமிகளிடம் தனக்கிருக்கும் பக்தியின் காரணமாக அரக்கோணம் ராஜகோபால், தலைவரை கலவைக்கு அழைத்துக்கொண்டு போய் மகா பெரியவாளை தரிசிக்க வைத்துவிட்டார்’ என்கிற உள்கிடக்கை அவருடைய பேச்சில் தெரிந்தது.

‘எனக்குக் கூட ஒரு சாமியாரைத் தெரியும். தலைவர் அவர்களை நான் என் சாமியாரிடம் அழைத்துப் போய், தலைவரிடம் எனக்குள்ள செல்வாக்கை நிரூபிக்கிறேன்!’ என்ற தன்முனைப்பு தெரிந்தது.

காமராஜருக்கு கற்பூர புத்தி.

ஆங்கிலத்திலும் தமிழிலும் வெளியாகியிருந்த பல புத்தகங்களின் பெயர்களை, ஒரு மாணவன் ஒப்புவிப்பது போல படபடவென்று கூறினார். அந்த நூல்களின் ஆசிரியர்களின் பெருமைகளையும் விளக்கினார். பின், “இந்த புத்தகத்தை பத்தி உனக்கு தெரியுமா? கேள்விப்பட்டிருக்கியா? இவங்க யாருமே தமிழ்நாட்டுக்காரங்க இல்லே. சங்கராச்சாரியாருக்கு வேண்டியவங்களும் இல்லே…. இதையெல்லாம் படிச்சிப் பாரு. அப்போ புரியும் — சந்காராச்சாரியாருக்கும் மத்த சில சாமியாருங்களுக்கும் உள்ள வித்தியாசம்!”

இதையெல்லாம் படிச்சிப் பாரு. அப்போ புரியும் — சந்காராச்சாரியாருக்கும் மத்த சில சாமியாருங்களுக்கும் உள்ள வித்தியாசம்!”

இப்படி, இன்னும் பல தகவல்கள்.

ஓய்வேயில்லாத தனது வேலைகளுக்கிடையில், மகாசுவாமிகளை பற்றி பெருந்தலைவர் எவ்வாறு இவ்வளவு செய்திகளை தெரிந்து வைத்திருந்தார் என்று அங்கிருந்தவர்கள் ஆச்சரியப்பட்டுப்போனார்களாம்!

‘காம’கோடிக்கும் ‘காம’ராஜருக்கும் இடையே தங்கக் கம்பி போல நுட்பமான தொடர்பு இருந்தது போல!

(ஆக்கத்தில் உதவி : கே.கல்யாணம், கலவை @ டி.எஸ்.கோதண்டராம சர்மாவின் ‘மகா பெரியவாள் தரிசன அனுபவங்கள்’)

===============================================================================

“தனது பலவித கஷ்டங்களையும் பொருட்படுத்தாது, சதா காலமும் நாட்டின் நலன்களிலே ஈடுபட்டுள்ள உள்ளத்தைப் பெற்றவரே, சகல தர்மங்களையும் நீதிகளையும் நன்குணர்ந்தவரே, காமராஜர். காமராஜர் மகாபுருஷர்!” 

– காஞ்சி மகா பெரியவர் ஒரு  முறை பெருந்தலைவரைப் பற்றி கூறியது.

===============================================================================

உங்களை நம்பி உங்களுக்காக ஒரு தளம்!

Rightmantra.com is a website that focuses on Spirituality, Self-development and True values without any commercial interest. We are running full-time. Give us your hand. Help us to serve you better. ரைட்மந்த்ரா தொய்வின்றி தொடர உதவிடுங்கள்!

For details please check : http://rightmantra.com/?page_id=7762

===============================================================================

Also check our earlier articles about Kamarajar:

பகுத்துண்டு பல்லுயிர் ஓம்பிய பெருந்தலைவர் – நெகிழ வைக்கும் உண்மை சம்பவம்!

சென்ற ஆண்டு காமராஜரின் பிறந்த நாளையொட்டி நாம் அளித்த பதிவு…

காமராஜரும் ராமராஜ்ஜியமும்!  கர்மவீரர் காமராஜர் பிறந்தநாள் ஸ்பெஷல்!!

காமராஜர் வாழ்வில் நடைபெற்ற நெகிழ வைக்கும் சில சம்பவங்கள் – காமராஜர் B’DAY SPL 2

2013 ஆம் ஆண்டு காமராஜரின் பிறந்த நாளையொட்டி நாம் அளித்த பதிவு…